دنیا کی بہت بڑی موبائیل فونز کمپنی سام سنگ نے کچھ روز پہلے ایک بہت بڑے اقدام کا اعلان کیا ہے جس سے سمارٹ فونز کی دنیا میں بڑا انقلاب آنے کی توقع ہے۔ اطلاعات کے مطابق سام سنگ کمپنی مستقبل قریب میں ایک ایسا سمارٹ فون متعارف کرانے جا رہی ہے جو وائی فائی سے پاک اور بچوں کے استعمال کے لئے نہایت موزوں اور مناسب ہو گا ۔ کمپنی کے ذرائع کا کہنا ہے کہ یہ فون بالخصوص طلباء کی ضروریات اور معیار زندگی کو مد نظر رکھ کر تیار کیا گیا ہے۔ اس فون کے فیچرز بہت جدید نوعیت کے ہونے کے با وجود اس میں نیٹ براوزنگ کی سہولت موجود نہیں ہو گی کیونکہ اس کا مقصد پی وائی فائی کے بے جا استعمال کی روک تھام اور اس کے نقصانات سے نئی نسل کو بچانا ہے اور اسکے علاوہ بچوں اور بوڑھوں کو اس کی نقصان دہ شعاعوں کے اثرات سے محفوظ رکھنا ہے ۔
