مہوش حیات

سب سے اعلیٰ سول اعزاز تمغہ ء امتیاز پانے والی اداکارہ مہوش حیات نے گزشتہ روز ڈان نیوز کو دیے جانے والے اپنے انٹر ویو میں کہا ہے کہ جہاں یہ ایوارڈ میرے لیے بہت فخر اور عزت کا باعث ہے وہیں سوشل میڈیا پر میرے نام کو لے کر کئے جانے والی بے شمار تنقید نے مجھے ٹینشن بھی دی ہے ـ

مہوش حیات کا کہنا تھا کہ عوام سوشل میڈیا پر اخلاق سے گری ہوئی باتیں بہت آزادی سے کرتی ہے جو کہ معاشرے میں نفرت پھیلانے کے علاوہ براہ راست سائبر بلنگ اور ٹرولنگ کے زمرے میں آتا ہے ـ ان کے  میں زیادہ تر عوام کا موقف یہ تھا کہ پی ٹی آئی کے کسی اعلیٰ عہدیدار سے اچھے اور قریبی تعلقات ہونے کی بنیاد پر انکو یہ اعزاز دیا گیا جبکہ حقیقت اسکے بالکل برعکس ہے ـ یہ ایوارڈ مہوش حیات کو ملنے کی بڑی وجہ انکی فلموں کو بے شمار بزنس ملنا تھی ـ

انہوں نے کہا کہ سائبر بلنگ اور اس قسم کی ٹرولنگ پہلے بھی بہت ہوئی ہے اس لیے حکومت کو چاہیے کہ اس کے سد باب کے لیے کوئی مناسب اقدام کرے  کیونکہ بہت سے لوگ ان وجویات کی بنا پر خود کشی تک کر چکے ہیں اور پاکستانی معاشرے میں یہ عنصر اب بہت خطرناک حد تک پھیل چکا ہے ـ