مدیحہ گوھر
مورخہ 25 اپریل 2018 کو پاکستان کی نامور اداکارہ اور مشہور اجوکا تھیئٹر کی بانی مدیحہ گوہر کینسر کے موذی مرض سے لڑتے لڑتے اس دنیا سے کوچ کر گئیں۔ مدیحہ گوجر پاکستان کی ایک نامور اور عظیم شخصیت تھیں ۔انکی آرٹ کے لئے کی گئی خدمات کو ہمیشہ یاد رکھاجائیگا ۔ اجوکا تھیئٹر کی شکل میں انھوں نے پاکستان اور بھارت کے مابین امن کے قیام اور خیرسگالی کے جذبات کو بڑھانے کے علاوہ دونوں ممالک کے مشترکہ معاشرتی مسائل کو اجاگر کرنے اور انکو حل کرنے کے لئے کوئی کسر نہیں چھوڑی ۔ موصوفہ ایک اچھی اداکارہ اور آرٹسٹ ہونے کے ساتھ ساتھ بہت اعلی درجے کی مصنفہ بھی تھیں ۔ آپ نے پاکستان میں حقوق نسواں کے لئے جو خدمات انجام دیں انکو ہمیشہ یاد رکھا جائیگا ۔ معاشرتی سطح پر عوام میں اپنے حقوق کا شعور اجاگر کرنے کے لئے انکی کوششوں کو سنہری حروف میں لکھا جائیگا ۔
